اعىمداعى جىلى 33 مىڭ الماتىلىق تۇرعىندار الەۋمەتتىك كومەك تۇرلەرىمەن قامتاماسىز ەتىلەدى.
بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى مەيىرجان باتىربەك ۇلى مالىمدەدى.
مەيىرجان باتىربەك ۇلىنىڭ اقپاراتىنشا، پرەزيدەنتتىڭ وتكەن جىلعى جولداۋىندا جاڭا فورماتتاعى اتاۋلى الەۋمەتتىك كومەكتى ەنگىزۋ تۋرالى تاپسىرماسىن ەسەپكە الا وتىرىپ، اعىمداعى جىلى 2018 جىلعى ق ر پرەزيدەنتىنىڭ جولداۋىن جۇزەگە اسىرۋ بويىنشا ەڭ تومەن كۇنكورىس دەڭگەيىنەن 50%-عا دەيىن ۇلعايتۋمەن از قامتىلعان ازاماتتارعا جاڭا فورماتتاعى اتاۋلى الەۋمەتتىك كومەك كورسەتۋ جۇمىستارى باستالدى.
جاڭا فورماتتاعى اتاۋلى الەۋمەتتىك كومەك (الەۋمەتتىك تولەمدەردىڭ ءۇش ءتۇرى بىرىككەن: كوپبالالى جانۇيالارعا مەملەكەتتىك جاردەماقى؛ 18 جاسقا دەيىنگى بالالارعا مەملەكەتتىك جاردەماقى؛ مەملەكەتتىك اتاۋلى الەۋمەتتىك كومەك) شارتسىز جانە شارتتى قارجىلاي كومەك دەپ ەكىگە بولىنەدى.
شارتسىز قارجىلاي كومەكتى جانۇياسىندا ەڭبەككە جارامدى تۇلعالار جوق جانۇيالار نەمەسە جانۇيا مۇشەلەرى جۇمىسپەن قامتۋ شارالارىنا بەلگىلى ءبىر سەبەپتەرمەن قاتىسا المايتىندار الادى.
شارتتى قارجىلاي كومەكتى جانۇيا مۇشەلەرىنىڭ جۇمىسپەن قامتۋ شارالارىنا مىندەتتى تۇردە قاتىسۋ تالابى قويىلعاندار الادى.
2018 ج. 12،5 مىڭ از قامتىلعانداردى قامتۋ جوسپارلانۋدا، بۇل ماقساتتارعا 546،7 ملن. تەڭگە بولىنگەن.
2017 جىلى بارلىعى الەۋمەتتىك كومەك تۇرلەرىمەن 27 مىڭنان استام ادام 818 ملن.تەڭگە سوماسىندا قامتىلعان. 2018 جىلى 1 270،9 ملن. تەڭگە سوماسىندا 33 مىڭ ادامدى قامتۋ كوزدەلدى.
قازىرگى كەزدە كوممۋنالدى قىزمەت شىعىندارىن وتەۋ ءۇشىن الەۋمەتتىك كومەكتى كەلەسى كاتەگوريالار الادى:
- تۇرعىن ءۇي كومەگى بويىنشا از قامتىلعاندار (2200 ادام، 32 ملن. تەڭگە)؛
- ۇوس قاتىسۋشىلارى مەن مۇگەدەكتەرىنە 5،5 اەك كولەمىندە (313 ادام، 49،6 ملن. تەڭگە).
ومىرلىك قيىن جاعدايلارعا تاپ بولعاندا كەلەسى الەۋمەتتىك قىزمەتتەر كورسەتىلەدى:
- اتاۋلى الەۋمەتتىك كومەك (12،5 مىڭ. ادام، 546،7 ملن. تەڭگە)؛
- مۇگەدەك بالالاردى ۇيدە وقىتۋ شىعىندارىن وتەۋ (500 ادام، 32،5 ملن. تەڭگە)؛
- جەرگىلىكتى ۋاكىلەتتى ورگان شەشىمىمەن اي سايىنعى، جارتى جىلدا ءبىر رەت بەرىلەتىن، ءبىرىڭعاي الەۋمەتتىك كومەك (12،9 مىڭ ادام، 414،3 ملن.تەڭگە).
ۇوس قاتىسۋشىلارىنىڭ جانە مۇگەدەكتەرىنىڭ ەستەلىك كۇنىنە الەۋمەتتىك تولەمدەر:
- جەڭىس كۇنىنە (4430 ادام، 184،5 ملن. تەڭگە)؛
سونىمەن قاتار 1986 ج. جەلتوقسان وقيعالارىنىڭ اقتاپ شىعارىلعان قاتىسۋشىلارىنا:
- ق ر تاۋەلسىزدىك كۇنىنە (237 ادام، 7،1 ملن. تەڭگە).
2017 جىلى ءبىرىنشى رەت مەملەكەتتىك اتاۋلى الەۋمەتتىك كومەكتەردى الۋشىلار قايتارىمسىز تەليەۆيزيالىق ابونەنتتىك قۇرىلعىلارمەن قامتاماسىز ەتىلگەنىن اتاپ ءوتۋ كەرەك. اتالعان قىزمەتتەردى سوماسى 560 مىڭ تەڭگەنى قۇرايتىن 51 ادام قولداندى، - دەپ حابارلادى مەيىرجان باتىربەك ۇلى ءوز سوزىندە.
